L'alba hè calma è un omu hà da more. Ùn ci sarà nè lagni nè mughji di dulore. Forse u sangue di i mio dinochji, sbuchjati da i strascinoni. Forse quellu di e mio mani à scartà i lamaghjoni da apremi una strada. Ci vularà ch’e viaghji à pasponi, ch'e pigli à l'insù è falghi à borghe nere è prufonde. Ci vularà ch’e franchi i diserti di rena cù i so ghjorni di piombu è e so notte di cotru. E fureste d'ombra pagna, i chjassi petricosi da compie u mio viaghju. Tuttu què, da sbucinà ogni filu di a mio vita, da strughje ogni pizzatellu di a mio anima, ch'ellu ùn ne fermi nulla. Ch'ellu ùn stessi cà u mio sguardu. Senza nisun ricordu di ciò ch’e vidii eri, senza nisun spiranza di e fiure di dumane. Una cuscenza calpighjata, mandata in pisticciuli, lampata da pasce i lioni d'un’eternità nuvella.

Jean-Yves Acquaviva hè natu in u 1969 à Malestroit in u Morbihan. Vultatu in Corsica à u principiu di l’annate 80, suveta à so scularità sicundaria trà Calvi, Bastia è L’Isula. Dopu à qualchì studiu à l’Università di Corsica, si lancia in l’agricultura. Pruduttore di farina castagnina è pastore di pecure nant’à a cumuna di Lozzi in Niolu dapoi 25 anni, segna quì u so sicondu rumanzu in lingua corsa. 

Jean-Yves Acquaviva est né en 1969 à Malestroit dans le Morbihan. Rentré en Corse au début des années 80, il effectue sa scolarité secondaire entre Calvi, Bastia et L’île Rousse. Après quelques études à l’Université de Corse, il se lance dans l’agriculture. Producteur de farine de châtaigne et éleveur ovin sur la commune de Lozzi dans le Niolu depuis 25 ans, il signe ici son second roman en langue corse.